“ZARAFSHAN GOLDEN GROUP” компанияси ўзининг кўп тармоқли фаолиятининг бир қисми ҳисобланган иссиқхоначилик фаолияти билан ҳам шуғулланиб, халқимиз дастурхони тўкин-сочинлигига катта ҳисса қўшиб келмоқда.
Ҳозирда мажмуа фаолияти 4 гектарга кенгайтирилиб, 2 гектар ер майдонида Корея технологиялари асосида гидропоника усулидаги иссиқхона фойдаланишга топширилиб, 1,3 гектар ер майдонида қулупнай экилиб, 2 гектар ер майдонида Туркия технологиялари асосидаги иссиқхона қурилиши ишлари якунига етиш арафасида.
Вилоят ҳокими Н. Турсунов Корея технологиялари асосидаги исиқхонанинг иситиш тизими тўлиқ кўмирда ишловчи, энерготежамкор замонавий қозонхоналар билан жиҳозлангани, иссиқхонада ер ости сувидан фойдаланиш жорий қилинганлиги эътироф этиб, энергияни тежаш, маҳсулот тан нархини пасайтириш, кўпроқ экспортга йўналтириш, юзасидан ўз тавсияларини бериб ўтди.
Компанияга қарашли чорвачилик комплексида ҳам зотдор чорва моллари ва майда шохли моллар асосан компания ишчи-ходимларининг гўшт ва сут маҳсулотларига бўлган эҳтиёжларини қондириш мақсадда ташкил этилган. Йирик агромажмуадаги ўзгаришлар ва янгиликлар билан танишган компания таъсисчиси У. Файзиев вилоят ҳокими Н. Турсунов ҳамроҳлигида келгусида бу тажрибани янада оммалаштиришга келишиб олдилар.
Компания Ахборот хизмати
